Përfundoi me sukses BVA U18 Women Balkan Championship 2026

FITOREEEEEEEE!

June 21, 2026

Grumbullohet ekipi kombëtar U17/femra

July 7, 2026

June 24, 2026

Imazhe nga pjesemarrja.

Pas tre ditësh ndeshjesh emocionuese në Sallën Sportive "Farka Volley" u mbyll me sukses BVA U18 Women Balkan Championship 2026, turne ku morën pjesë kombëtaret e Shqipërisë, Bullgarisë, Turqisë dhe Serbisë.

Renditja përfundimtare e turneut ishte:

Medalja e artë: Bullgaria – Kampione
Medalja e argjendtë: Turqia – Vendi i dytë
Medalja e bronzit: Serbia – Vendi i tretë
Vendi i katërt: Shqipëria – Vendi i katërt

Në ceremoninë zyrtare të mbylljes, medaljet e vendit të tretë iu dorëzuan ekipit të Serbisë nga znj.Ornela Belba, Anëtare e Bordit Drejtues të FSHV-së, dhe Miloš Jovanović, Supervizor i BVA-së.

Medaljet e vendit të dytë iu dorëzuan ekipit të Turqisë nga z.Ervis Dosti, Sekretar i Përgjithshëm i FSHV-së, dhe Barış Ceyhun Erciyes, Ambasador i Türkiye në Shqipëri.

Medaljet e vendit të parë iu dorëzuan ekipit të Bullgarisë nga z.Ervis Dosti, Sekretar i Përgjithshëm i FSHV-së, dhe znj.Ornela Belba, Anëtare e Bordit Drejtues të FSHV-së.

Imazhe nga pjesemarrja.

Trofeu i kampionit iu dorëzua kapitenes së kombëtares së Bullgarisë nga z.Dashamir Brari, Zëvendëspresident i Federatës Shqiptare të Volejbollit.

Gjatë ceremonisë u ndanë edhe çmimet individuale:

Fair Play – Kapitenia e Shqipërisë, Hajdi Xhengo
Best Libero – Zeren Duru (Turqi)
Best Middle Blocker – Anja Pilipović (Serbi)
Best Opposite – Bozhidara Ivanova (Bullgari)
Best Wing Spiker – Hiranur Baygara (Turqi)
Best Setter – Ivayla Rikova (Bullgari)
MVP (Most Valuable Player) – Edna Todorova (Bullgari)

Federata Shqiptare e Volejbollit falenderon të gjithë ekipet pjesëmarrëse, BVA-në, zyrtarët, arbitrat, stafin organizativ, vullnetarët dhe tifozët për kontributin e tyre në organizimin me sukses të këtij eventi ndërkombëtar.