FITOREEEEEEEE!

Kombëtarja e Shqipërisë në volejboll për meshkuj triumfoi me rezultatin 3-1 ndaj Rumanisë në ndeshjen e zhvilluar në Pallatin e Sportit "Feti Borova", në kuadër të raundit të fundit të CEV Volleyball European League 2026.

Djemtë kuqezi zhvilluan një paraqitje me karakter, përkushtim dhe shpirt gare, duke reaguar në momentet vendimtare të takimit dhe merituar plotësisht këtë fitore të rëndësishme përballë një kundërshtari të fortë.

Urime stafit teknik dhe të gjithë ekipit për këtë sukses, si edhe një falënderim të veçantë për tifozët që mbështetën Kombëtaren nga tribunat e "Feti Borova".

Së bashku jemi më të fortë! Urime çuna! Forca Shqipëri