Një hap më pranë ëndrrës shqiptare

Kombëtarja e Femrave nis rrugëtimin në CEV EUROPEAN LEAGUE 2026

May 29, 2026

Besëlidhja U16 (Femra), Kampione e Shqipërisë!

June 1, 2026

May 31, 2026

Imazhe nga pjesemarrja.

Kombëtarja e Femrave e Shqipërisë ka siguruar kualifikimin në Fazën e Grupeve të CEV European League 2026, një kompeticion që shërben gjithashtu si rrugëtimi drejt Kampionatit Europian 2028.

Vajzat kuqezi zhvilluan tre ndeshje në Fazën Para Eliminatore të zhvilluar në Odense të Danimarkës, duke regjistruar rezultate mjaft pozitive:

Shqipëri – Luksemburg 3-1
Shqipëri – Danimarkë 2-3
Shqipëri – Lituani 3-2

Me dy fitore dhe gjithsej 6 pikë të grumbulluara, Shqipëria u rendit në vendin e dytë të grupit, duke siguruar avancimin në Fazën e Grupeve të European League 2026.

Imazhe nga pjesemarrja.

Ky kualifikim merr një vlerë edhe më të madhe duke pasur parasysh se Kombëtarja jonë rikthehet në skenën ndërkombëtare pas afro tetë vitesh mungesë. Pikërisht për këtë arsye Shqipëria e nisi rrugëtimin nga Faza Para Eliminatore, duke treguar se me punë, përkushtim dhe besim mund të rikthehet mes skuadrave konkurruese të volejbollit europian.

Tashmë nis një kapitull i ri. Një rrugë e gjatë, e bukur dhe sfiduese na pret përpara, por aspak e pamundur. Tre fundjava të mbushura me duele të forta ndërkombëtare do të përcaktojnë rrugëtimin e Shqipërisë drejt ëndrrës së madhe: kualifikimit në Kampionatin Europian 2028.

Urime vajzave kuqezi, stafit teknik dhe të gjithë atyre që kontribuan në këtë sukses!

Forca Shqipëri! Rrugëtimi vazhdon!