Grumbullohet ekipi kombëtar U17 meshkuj

Ekipi kombëtar U17 meshkuj ka nisur fazën e grumbullimit në palestrën sportive “Farka Volley”, në kuadër të përgatitjeve për pjesëmarrjen në Kampionatin Ballkanik U17, i cili do të zhvillohet në Tiranë në datat 04-08 gusht.

Ky është ekipi i gjashtë kombëtar që Federata Shqiptare e Volejbollit grumbullon dhe që do të përfaqësojë Shqipërinë në kompeticionet ndërkombëtare gjatë kësaj vere.

FSHV i uron shumë suksese ekipit, lojtarëve dhe stafit teknik në këtë rrugëtim të rëndësishëm!