Partizani shpallet kampion i Shqipërisë

Të kuqtë e trajnerit Ylli Tomorrit janë shpallur kampionë, pasi fituan finalen e tretë ndaj Skënderbeut me rezultatin 3–2, në një ndeshje që zgjati plot 2 orë e 20 minuta, plot emocione dhe rivalitet deri në pikët e fundit.

Takimi u mbyll pak minuta më parë në sallën sportive në Farkë.
Partizani mbylli serinë e finaleve me rezultatin 3–0 dhe shpallet kampion i Shqipërisë, duke ngritur trofeun e 18-të në historinë e Superligës.

• Medaljet për vendin e dytë, ekipin e Skënderbeut, u dorëzuan nga Sekretari i Përgjithshëm i Federatës Shqiptare të Volejbollit, z. Ervis Dosti dhe anëtarja e bordit të Federatës Shqiptare të Volejbollit, znj. Ornela Belba.
• Medaljet për ekipin kampion u ndanë nga Zv.Presidenti i Federatës Shqiptare të Volejbollit, z. Konalsi Gjoka dhe anëtari i bordit të Federatës Shqiptare të Volejbollit, z. Sokol Halili.
• Trofeu iu dorëzua kapitenit të Partizanit, Osman Qepa, nga Presidenti i Federatës Shqiptare të Volejbollit, z. Erlind Pëllumbi.

Federata Shqiptare e Volejbollit përgëzon ekipin fitues dhe përshëndet ekipin e Skënderbeut për garën, grintën dhe emocionet që dhuroi në këto tre finale