Presidenti FVK z. Gjinovci takohet me Presidenti FSHV z.Pëllumbi

Gjatë takimit, z. Pëllumbi e falënderoi Presidentin Gjinovci për vizitën, duke e vlerësuar si një nga bashkëpunëtorët më të ngushtë në zhvillimin e volejbollit midis dy vendeve. Ky bashkëpunim ka sjellë organizimin e shumë aktiviteteve të rëndësishme mes dy federatave, si Kupa e Pavarësisë, Liga Gjergj Kastrioti, dhe të tjera.

 

Një pikë kyçe e bisedës ishte edhe organizimi i Finaleve të Kampionatit Europian U16 (femra), të cilat për herë të parë do të zhvillohen në bashkëpunim mes Shqipërisë dhe Kosovës nga data 1 Korrik deri më 14 Korrik. Ky organizim është një tregues i bashkëpunimit të ngushtë midis FSHV dhe FVK, si dhe një dëshmi e seriozitetit dhe rëndësisë së tyre si partnerë të besuar të CEV.