- Keni pyetje?
- +069 709 1025
- info@fshv.org.al
Përfundon seminari i nivelit të parë me trajnerët organizuar nga FSHV dhe FIVB
FSHV seminar me trajnerët e volejbollit të drejtuar nga italiani Luca Secchi
May 13, 2021
FSHV marrëveshje me CEV, Shqipëria pjesë e projektit të “Volejbollit në Shkollë”
April 17, 2022
Më datat 15-19 qershor, në Tiranë u zhvillua kursi i nivelit të parë për trajnerët e volejbollit, një seminar i organizuar nga Federata Shqiptare e Volejbollit në bashkëpunim me FIVB-në. Ky seminar u drejtua nga lektori i njohur Athanasios Papageorgiou, që për disa ditë me radhë u dha mundësi 20 trajnerëve shqiptarë të njihen me të rejat e fundit të sportit të volejbollit.
Ky është kursi i tretë që Federata Shqiptare e Volejbollit organizon, me qëllim rritjen e nivelit teknik të trajnerëve të saj. “Jam i kënaqur nga pjesëmarrja dhe interesimi, pasi kjo konfirmon dëshirën tuaj për t’u informuar dhe rritur profesionalisht. Kjo do të thotë se nesër do të kemi trajnerë më të përgatitur dhe një volejboll më profesionist në të ardhmen”, u shpreh Sekretari i FSHV-së, Albens Vokopola.
Edhe lektori i këtij seminari, Athanasios Papageorgiou, ka mbetur i kënaqur nga niveli dhe ka vlerësuar faktin se prania e trajnereve femra është e madhe. “Jam i sigurtë që kemi bërë një punë shumë të mirë dhe se kemi mundur të përçojmë njohuritë e duhura. Kemi bërë një punë intensive dhe falënderoj pjesëmarrësit dhe Federatën për organizimin e këitj seminari”, u shpreh Athanasios Papageorgiou, i cili dhuroi disa libra trajnimi për bibliotekën e institucionit më të lartë të rrjetës shqiptare e gjithashtu për pjesëmarrësit me rezultatet më të mira të kursit.
Kursi ishte si në aspektin teorik ashtu dhe atë praktik, zhvilluar në Tiranë në mjediset e Parkut Olimpik si dhe sallën e lojërave me dorë “Feti Borova”. FSHV falënderon të gjithë pjesëmarrësit dhe z. Papageorgiou për leksionet e tij, duke i uruar të gjithë trajnerët suksese në të ardhmen.
