FSHV dhe Bashkimi Europian në partneritet për “EU4SPORT”!

Në ambientet e Federatës Shqiptare të Volejbollit, u zhvillua takimi mbi projektin “EU4SPORT”, një partneritet i rëndësishëm midis FSHV-së dhe Delegacionit të Bashkimit Europian në Shqipëri.

Ky projekt sjell organizimin e një kampionati volejbolli mix (djem dhe vajza) me pjesëmarrjen e 16 shkollave të mesme nga Elbasani, Durrësi, Korça dhe Lezha.

“EU4SPORT” synon të promovojë sportin, barazinë gjinore dhe frymën e ekipit mes të rinjve, duke e kthyer volejbollin në një urë bashkimi, partneriteti dhe zhvillimi për komunitetin shkollor.

Një falenderim i veçantë për Delegacionin e BE-së në Shqipëri i cili i beson FSHV-së me këtë mbështetje si një partner serioz në këtë nismë që sjell energji, pasion dhe vlera europiane në sportin shqiptar!