FSHV bashkepunim me RTSH per sezonin e ri 2024-2025

Presidenti i Federatës Shqiptare të Volejbollit Z.Erlind Pëllumbi sëbashku me Drejtorin e Përgjithshëm të "RTSH", Z.Alfred Peza nënshkruan marrëveshjen për transmetimin e ndeshjeve të volejbollit për sezonin e ri 2024-2025.

Presidenti Pëllumbi falenderoi Z. Peza për këtë bashkëpunim i cili promovon vlerat e sportit shqiptar dhe garanton spektaklin që dhuron sporti i volejbollit në veçanti. Presidenti Pëllumbi u shpreh i bindur se falë kësaj marrëveshjeje me RTSH, sporti i volejbollit do të përcillet në çdo cep të Shqipërisë duke e promovuar akoma dhe më shumë atë.